21:30 / 30.06.2021
Zyrtare: Nuno Espirito, trajner i ri i Tottenhamit
Nuno Espirito do të jetë trajner i Tottenhamit duke filluar nga sezoni i ri 2021/22.
Lajmi është bërë i ditur edhe zyrtarisht nga klubi anglez përmes një njoftimi të lëshuar në faqen zyrtare.
“Ne jemi të kënaqur të njoftojmë emërimin e Nuno Espírito Santos si trajnerin tonë të ri me një kontratë deri në vitin 2023”, thuhet në njoftimin e Tottenhamit.
Nuno merr ‘timonin’ e Tottenhamit pas një periudhe katër-vjeçare në Wolverhampton Wanderers, ku ai e drejtoi klubin nga Championshipi në Premier League dhe siguroi pozitën e shtatë në dy sezonet e fundit.























