15:21 / 06.07.2021
Nëna dhe tre fëmijët e lënduar nga shpërthimi në Velipojë dërgohen në Itali
Familja e të lënduarve nga shpërthimi i disa bombolave të gazit në Velipojë është nisur sot për në Itali, për kurim të specializuar.
Burime për Euronews Albania bëjnë me dije se familja u nis për në Itali rreth orës 12:00 të ditës së sotme.
Katër familjarët e plagosur kanë marrë mjekim intensiv në repartin e Djegie-Plastikës në QSUT gjatë këtyre ditëve dhe sipas mjekëve, gjendja e tyre shëndetësore ka qenë e rëndë.
Shpërthimi ka ndodhur mëngjesin e të dielës, në hotelin që ishte në pronësi të kësaj familjeje, gjatë kohës që këta të fundit po bënin përgatitjet për të pritur pushuesit për sezonin veror.























