10:02 / 08.07.2021
KPK shkarkon nga detyra gjyqtaren e Apelit, Zegjine Sollaku
Trupi gjykues i KPK, me në krye Xhensila Pinen, në përfundim të procesit të rivlerësimit ka vendosur shkarkimin nga detyra për gjyqtaren e Apelit, Zegjine Sollaku.
KPK ka vendosur të shkarkojë nga detyra gjyqtaren Sollaku, ndërsa kjo e fundit nuk ishte e pranishme në seancë.
Gjatë seancës dëgjimore u evidentuan pasaktësi në deklarime dhe mungesa burimesh financiare në vlerën 7 milionë lekë.
Zegjine Sollaku ka punuar si gjyqtare e Gjykatës së Tiranës në vitet 1992-2003. Prej vitit 2003, Sollaku ka ushtruar funksionin në Gjykatën e Apelit të Tiranës. /TCH























