Reagon Bordi i RTK-së pas shkarkimit: Vendim politik dhe antiligjor!
BKT
Lajme

Reagon Bordi i RTK-së pas shkarkimit: Vendim politik dhe antiligjor!

Bordi i RTK-së, i cili u shkarkua sot nga shumica parlamentare në Kuvendin e Kosovës, ka reaguar duke e quajtur këtë vendim politik, antiligjor dhe ndërhyrje flagrante në transmetuesin publik.

Bordi i shkarkuar i RTK-së ka paralajmëruar se do të ndjekë të gjitha rrugët ligjore për ta kundërshtuar këtë vendim arbitrar.


Reagimi i plotë i Bordit të RTK-së

Veprimi i sotëm i shumicës parlamentare në Kuvendin e Kosovës për shkarkimin e Bordit të RTK-së është  politik, antiligjor dhe paraqet ndërhyrje flagrante në punën e transmetuesit publik.

Ky vendim është goditje e rëndë ndaj vlerave demokratike dhe lirisë së mediave.

Arsyetimi i shumicës parlamentare për shkarkimin e Bordit të RTK-së nuk ka asnjë argument faktik, përpos motivit të qartë politik. Bordi aktual ka qenë një ndër bordet më profesionale, i përbërë nga emra të njohur të fushës akademike dhe të mediave.

Bordi i RTK-së do të ndjekë të gjitha rrugët ligjore për ta kundërshtuar këtë vendim arbitrar.

Bordi i RTK-së i bën thirrje organizatave vendore dhe ndërkombëtare të cilat merren me mbrojtjen e lirisë së mediave që të reagojnë ndaj këtij vendimi politik dhe arbitrar  të shumicës parlamentare në Kuvendin e Kosovës.


MË SHUME NGA Lajme