09:52 / 09.07.2021
Durrës, makina del nga rruga, plagosen 5 persona
Një aksident ka ndodhur në orët e para të mëngjesit të sotëm, 9 korrik në Durrës.
Sipas policisë ngjarja ka ndodhur rreth orës 02:40, në lagjen nr.13.
Shtetasi E. K., 20 vjeç, duke drejtuar mjetin tip "Opel", ka humbur kontrollin duke dalë nga rruga.
Për pasojë kanë mbetur të plagosur drejtuesi i mjetit dhe pasagjerët në mjet shtetasit P. M., 30 vjeç, D. K., 30 vjeç, M. Z., 16 vjeç, dhe M. A., 20 vjeç, të cilët ndodhen nën kujdesin e mjekëve jashtë rrezikut për jetën.
Grupi hetimor po punon për zbardhjen e rrethanave të aksidentit.























