20:26 / 14.07.2021
Anton Quni – kandidat i LDK-së për kryetar të Prizrenit
Deputeti i Lidhjes Demokratike të Kosovës, Anton Quni, do të jetë kandidati i kësaj partie për kryetar të Prizrenit në zgjedhjet që do të mbahen në tetor.
Siç kanë thënë zyrtarë të LDK-së, nga një takim i degës me kryetarin e partisë Lumir Abdixhiku, mungon veç zyrtarizimi që Quni të jetë kandidat.
LDK-ja tashmë ka njoftuar se në komunat ku udhëheq do të garojë me kryetarët aktualë, ndërsa për shumicën e komunave ende s’janë bërë të ditura kandidaturat.
Zgjedhjet lokale do të mbahen më 17 tetor.























