Sot, mbi 16 mijë doza të administruara në Kosovë
BKT
Lajme

Sot, mbi 16 mijë doza të administruara në Kosovë

Të hënën në nivel vendi janë dhënë mbi 16.000 doza të vaksinës anti-COVID, duke çuar në rreth 374 mijë doza të administruara që nga fillimi i vaksinimit.

Sipas planit të Ministrisë së Shëndetësisë për vaksinim masiv, numri ditor është paraparë të jetë po aq – 16.000, por deri më tash rrallë është arritur kjo shifër.

“Mbi 16.000 doza të administruara të vaksinës kundër COVID-19 sot në Kosovë. Vaksinimi i shpejtë i popullatës nuk ka alternativë, aq më tepër që varianti Delta (SARS-COV 2) po përhapet shpejt tek të gjitha grupet dhe në veçanti te grupmoshat e reja. Vaksinimi nuk është vetëm masë mbrojtëse nga virusi, por edhe masë kundër mbylljes! Komplimente për Ekipin menaxhues dhe ekipet e vaksinimit në të gjitha komunat e Kosovës”, ka shkruar zëdhënësi i MSH-së, Faik Hoti, në Facebook.

Sipas planit për vaksinim, deri në fund të vitit është paraparë të vaksinohen 60 për qind e popullatës mbi 18 vjeç.


MË SHUME NGA Lajme