22:47 / 23.08.2021
Milani starton me fitore, mposht Sampdorian
Klubi i madh italian, AC Milan e ka nisur me fitore sezonin e ri në Serie A.
“Rossonerët” sonte mundën në udhëtim Sampdorian, me rezultat 0-1, takim ky i zhvilluar në kuadër të xhiros së parë të elitës së futbollit italian.
Golin e vetëm e realizoi Brahim Diaz pas një asistimi nga David Calabria (9′).
Milan në fakt dominoi në të gjitha aspektet, por që u mungoi vetëm goditja finale që t’i konkretizonin rastet.
Ndërkohë, Sampdoria provoi të krijonte mundësi shënimi përmes kundërzbritjeve, që u mungonte finalizimi.
Me këtë fitore, Milan renditët në pozitën e tetë me tre pikë, derisa Sampdoria qëndron në vendin e 16-të pa pikë.























