PSD: Policia përdori dhunë jashtëzakonisht të madhe ndaj aktivistëve
BKT
Lajme

PSD: Policia përdori dhunë jashtëzakonisht të madhe ndaj aktivistëve

Partia Socialdemokrate ka kërkuar lirimin e aktivistëve të arrestuar gjatë aksionit që u mbajt këtë të martë jashtë objektit ku po mbahej konferenca e kryetares së Gjykatës Speciale, Ekaterina Trendefilova.

Nga PSD derisa kanë publikuar fotografi të të arrestuarve ka thënë edhe se dhuna që u përdor ndaj aktivistëve ishte e madhe.

“Sot, përgjatë raportimit të kryetares së Gjykatës Speciale, Ekaterina Trendafilova, aktivistë të PSD-së, Lisjan Perolli dhe Bardh Ahmeti, zhvilluan aksion simbolik për të penguar rilegjitimimin e Gjykatës Speciale në misionin e saj për të tjetërsuar luftën çlirimtare të UÇK-së. Përgjatë aksionit simbolik jashtë konferencës për media, Policia e Kosovës përdori dhunë jashtëzakonisht të madhe ndaj aktivistëve duke i lënduar dhe i arrestuar ata”, thuhet në reagimin e PSD-së.

Në komunikatë ritheksohet se Gjykata Speciale është e padrejtë, e për cka nuk mund të sjellë drejtësi.

Megjithëkëtë, PSD po kërkon lirimin e aktivistëve të arrestuar.

“Gjykata Speciale është e padrejtë, prandaj ajo nuk mund të sjellë drejtësi. Si e tillë, nuk mund të lejojmë asesi që të rilegjimitohet në qetësi teksa tjetërson historinë tonë. Kërkojmë lirimin e menjëhershëm të aktivistëve Dardan Molliqaj, Teutë Rrusta, Zgjim Hyseni, Qëndrim Sahiti dhe Agron Kabashi të cilët u arrestuan gjatë aktivitetit sot”, thuhet në komunikatë.

Nuk ka asnjë përshkrim të disponueshëmNuk ka asnjë përshkrim të disponueshëm

Nuk ka asnjë përshkrim të disponueshëm

Nuk ka asnjë përshkrim të disponueshëm


MË SHUME NGA Lajme