Dialogu Kosovë-Serbi, Bislimi: Çështja e pagjeturve ishte tema e vetme
BKT
Lajme

Dialogu Kosovë-Serbi, Bislimi: Çështja e pagjeturve ishte tema e vetme

Për dy ditë zëvendëskryeministri i Kosovës, Besnik Bislimi ka qëndruar në Bruksel ku është takuar me kryenegociatorin e palës serbe, Petar Petkoviq takim i ndërmjetësuar nga përfaqësuesi i posaçëm i Bashkimit Evropian në dialogun Kosovë-Serbi, Mirosllav Lajçak.

Bislimi thotë se me palën serbe kanë biseduar vetëm për çështjen e të pagjeturve. Me këtë rast ai tha edhe se kanë kërkuar të intensifikohen përpjekjet për gjetjen e të zhdukurve me dhunë gjatë luftës.

“Familjet kanë nevojë të dijnë fatin e familjarëve të tyre sa më parë. Ky është mesazhi që kemi përçuar në këto bisedime me Serbinë, ku tema e vetme ishin të pagjeturit. Kemi kërkuar të intensifikohen përpjekjet për gjetjen e të zhdukurve me dhunë gjatë luftës”, ka shkruar Bislimi në Twitter. 


MË SHUME NGA Lajme