Adele rikthehet në muzikë
BKT
Magazina

Adele rikthehet në muzikë

Ylli i njohur britanik, Adele, do t’i rikthehet performancave live në Dhjetor të këtij viti. Këngëtarja 33-vjeçare besohet se po planifikon të shënojë lançimin e albumit të saj të katërt të incizuar në studio, me një koncert në Las Vegas. Performanca e cila do të jetë e para në skenë për kantautoren në këto katër vitet e fundit, mbahet më 10 Dhjetor dhe do të transmetohet anembanë botës.

Një burim për gazetën “Sunday Mirror” ka deklaruar se: “Albumi i ri i këngëtares  është incizimi më i shumëpritur i vitit. Adele dhe menaxherët e saj janë në bisedime me ‘BBC America’ rreth transmetimit të tij anembanë botës. Koncerti në Las Vegas do të jenë ndër performancat e pakta, që do të jenë pjesë e turneut promovues të albumit”.

Së fundmi në mediat e huaja u deklarua se kantautorja e njohur britanike, Adele, mund të organizojë disa koncerte në Las Vegas të cilat planifikohen të zënë vend vitin e ardhshëm. Ylli i hitit “Hello” është e gatshme t’i bashkohet listës së legjendave të muzikës që kanë performuar për fansat në Las Vegas, të tillë si Sir Elton John, Mariah Carey dhe Lady Gaga. 


MË SHUME NGA Magazina