Suarez ia siguron fitoren Atleticos në sekondat e fundit të ndeshjes
BKT
Sport

Suarez ia siguron fitoren Atleticos në sekondat e fundit të ndeshjes

Atletico Madridi ka siguruar një fitore dramatike ndaj Getafes në ndeshjen e vlefshme për gjiron e gjashtë të La Ligas.

Në fundin e pjesës së parë Getafe kaloi në epërsi me golin e realizuar nga Mitroviç.

Por, në pjesën e dytë ishte Luis Suarez i cili bëri një paraqitje spektakolare duke realizuar dy gola dhe duke ia siguruar tri pikë shumë të vlefshme skuadrës së tij.

Uruguajani fillimisht i barazoi shifrat në minutën e 78’ dhe pastaj e përmbysi epërsinë e vendasve me golin e dytë personal në këtë ndeshje në sekondat e fundit të takimit.

Kjo fitore e bënë Atleticon liderë të tabelës më 14 pikë pas gjashtë ndeshjeve.