Jennifer Lopez dhe Ben Affleck shijojnë momente romantike në publik
BKT
Magazina

Jennifer Lopez dhe Ben Affleck shijojnë momente romantike në publik

Jennifer Lopez dhe Ben Affleck ndanë pak momente romantike në publik ndërsa dolën të dielën (26 shtator), në qytetin e New York-ut, pas deklaratës së saj se ajo kishte “dashuri në tru” në koncertin e saj të fundit.

Bukuroshja 52-vjeçare veshi një fustan të gjelbër me të kaltër, të kombinuar me një pallto me të njëjtën ngjyrë, teksa shëtisnin në Madison Square Park, shkruan DailyMail.

 

Ylli i “Hustlers” flokët ngjyrë kafe i la të lira prapa supeve, dhe vendosi syze dielli dhe vathë në daljen e ditës me aktorin, 49 vjeç.

Affleck veshi një pallto gri mbi një këmishë me jakë blu, xhinse dhe çizme të zeza.

Çifti i ribashkuar u panë të kapur për dore dhe duke u puthur teksa shijonin ditën e vjeshtës në qytetin amerikan.

Ndërkohë, kjo dalje vjen pasi J.Lo të shtunën performojë në “Global Citizen Live” që u mbajt në Central Park të New York-ut.

Lopez dhe Affleck në fillim të këtij muaji dolën në tapetin e kuq për herë të parë që nga lidhja e tyre e mëparshme nga viti 2002 deri në vitin 2004. Ata u panë në Festivalin Ndërkombëtar të Filmit në Venecia për debutimin e filmit të tij të fundit, ”The Last Duel”.

Dyshja filluan romancën në prill të këtij viti, pas ndarjes së këngëtares nga i fejuari, Alex Rodriguez.


MË SHUME NGA Magazina