Reporterët pa Kufij denoncojnë sulmin e Ramës ndaj medias

Reporterët pa Kufij denoncojnë sulmin e Ramës ndaj medias

Organizata për lirinë e medias, Reporterët pa Kufij ka reaguar në lidhje me deklaratën e kryeministrit Edi Rama në konferencën e OSBE-së për gazetarinë në Europën Juglindore, ku u shpreh se liria e përhapjes së lajmeve në internet ka minuar në një lloj mënyre lirinë e fjalës.

Reporterët për kufijtë, dënoncojnë sulmin e Ramës ndaj medias online, teksa shtojnë se kreu i qeverisë i krahasoj mediat me nazistët dhe terroristët.

Organizata thotë se shqetësuese mbetet fakti që Parlamenti planifikon të diskutojë ndryshimet në ligjin për mediat, të njohura si paketa kundër shpifjes.

Reporterët për kufijtë; Denoncojmë sulmin e Kryeministrit Edi Rama ndaj mediave online në konferencën e OSBE, duke i krahasuar ata me nazistët, terroristët dhe pedofilët. Akoma më shqetësuese fakti që Parlamenti planifikon të diskutojë ndryshimet në ligjin për mediat, të njohura si paketa kundër shpifjes. Ndryshimet në ligj do të lejonin sanksionet joproporcionale të vendoseshin ndaj mediave online nga AMA, një autoritet i kryesuar nga ish -këshilltari i Edi Ramës. Kërkojmë ndryshime së bashku me rekomandimet e komisionit të Venecias për të shmangur ndalimin e fjalës së lirë.