Dy futbollistë të Kikës përfundojnë në spital pas ndeshjes me Ferizajn
Klubi futbollistik, Kika me anë të një statusi në rrjetin social, Facebook, bashkangjitur me fotografi – ka njoftuar se ndeshja me Ferizajin bëri që dy lojtarë të KF Kika të përfundojnë në spital.
Sipas klubit, njëri ka thyer hundën, kurse tjetri këmbën
Ndeshja e zhvilluara sot në kuadër të Ligës së Parë mes FC Ferizaj – KF KIKA kanë sjell pamje te frikshme.
Klubi i KIKA-s zbuloi se ndeshja nuk ishte ndalur nga gjyqtari por vetëm pas intervenimit të mjekëve.
Reagimi i plotë:
Pësojmë humbje minimale në minutat e fundit të ndeshjes nga FC Ferizaj, klub i cili sot nuk luajti futboll, por ragbi.
Futbollistët e Ferizajt gjatë 90 minutave luajtën lojë të ashpër duke ia thyer hundën sulmuesit Lirian Feratit i cili përfundoi në spital.
Po ashtu, një ndërhyrje horror ndaj mesfushorit Valmir Ferati të cilit iu thye këmba duke e dërguar në spital me urgjencë. Gjyqtari në këtë rast nuk e ndal as ndërhyrje të palejuar në favor të Kikës, përveç që nuk e ndal ndërhyrje të palejuar, as nuk e ndërpret lojën për ndërhyrjen e mjekëve.
Vlen të theksohet përkëdhelja e gjyqtarit kryesor të ndeshjes ndaj klubit të Ferizajt i cili e deshti fitoren më shumë se vet futbollistët vendas.
KF KIKA shpreh shqetësimin për ndarjen e drejtësisë ndaj klubit tonë në disa ndeshje radhazi, prandaj presim reflektimin e gjyqtarëve në ndeshjet e ardhshme.























