Plagoset me armë zjarri një person në Skenderaj
Sharr Travel

Plagoset me armë zjarri një person në Skenderaj

Një person është plagosur me armë zjarri në qytetin e Skenderajt.

Kjo është bërë e ditur nga Policia e Kosovës në rajonin e Mitrovicës së Jugut.

Sipas policisë, rasti në fjalë ka ndodhur rreth orës 20:45, transmeton lajmi.net.

“Sonte rreth orës 20:45 është raportuar se në QKMF-Skenderaj, viktima i gjinisë mashkullore, i moshës 33-vjeçar, ka kërkuar tretman mjekësor si pasojë e lëndimit nga një predhë plumbi”, tha zëdhënësi i Policisë Avni Zahiti.

Kurse sipas autoriteteve mjekësorë raportohet se gjendja e viktimës është jashtë rrezikut për jetë.

Në bazë të hetimeve të para bëhet e ditur se lëndimi i këtij personi ndodhi në sheshin ‘Adem Jashari’ në Skenderaj.

Rasti është iniciuar dhe po hetohet nga organet e hetuesisë.