Mbretëresha britanike nuk do të marrë pjesë në samitin COP26
Mbretëresha Elizabeta e Dytë nuk do të marrë pjesë në samitin e ndryshimeve klimatike COP26 në Glasgow pas këshillave mjekësore për të pushuar.
Sipas BBC, 95-vjeçarja iu nënshtrua të mërkurën e kaluar kontrolleve paraprake mjekësore në spital, pasi anuloi një vizitë në Irlandën e Veriut.
Ajo rifilloi angazhimet publike të martën duke takuar ambasadorët përmes video-lidhjeve nga Kështjella Windsor.
Buckingham Palace tha se ajo “me keqardhje” vendosi të mos marrë pjesë në një pritje në samit.
Por pallati tha se ajo do të dorëzonte fjalimin e saj duke përdorur një video-mesazh të regjistruar.
Mbretëresha britanike do të udhëtonte në Skoci si pjesë e një sërë angazhimesh të samitit COP26 nga anëtarët të lartë të familjes mbretërore, duke përfshirë Princin e Uellsit, Charles, Dukeshën e Cornwall Camilla dhe Dukën dhe Dukeshën e Cambridge, William dhe Catherine, midis 1-5 nëntorit.























