​Ambasada e SHBA-së rikonfirmon mbështetjen për SHKK-në
BKT
Lajme

​Ambasada e SHBA-së rikonfirmon mbështetjen për SHKK-në

Zëvendësuesja e drejtorit të Qendrës Korrektues Dubravë, Zyrafete Imeraj ka pritur sot në takim drejtorin e Byrosë për Çështje Ndërkombëtare të Narkotikëve dhe Zbatimit të Ligjit në Kosovë, me të cilin ka biseduar për sfidat dhe të arriturat e kësaj qendre.

Waddoups e përgëzoi Imeraj për punën dhe të arriturat e kësaj qendre, ndërsa shprehu përkushtimin e tij dhe të ICITAP, për të vazhduar mbështetjen e kësaj qendre edhe në të ardhmen.

Në takim u rikonfirmua se Ambasada amerikane do të vazhdojë ta mbështesë fuqishëm zhvillimin e SHKK-së në të gjitha fushat, me theks të veçantë Projektin për Trajtimin e Personave me Nevoja të Veçanta, projekt ky, i cili është duke u mbështetur nga ministrja e Drejtësisë, Albulena Haxhiu.

Waddoups ka vizituar edhe Njësitin Intervenues të SHKK-së, ku patën mundësi të përcjellin nga afër demonstrimin e aftësive intervenuese të njësitit në rast të trazirave të mundshme në institucionet korrektues.

Po ashtu, panë nga afër edhe Pavijonin D, i cili tashmë është destinuar të jetë Institucion Shëndetësor për Trajtimin e Personave me Nevoja të Veçanta, i cili do të mbulojë shërbimet shëndetësore të personave të privuar nga liria, veçanërisht grupeve të ndjeshme me nevoja të veçanta.


MË SHUME NGA Lajme