Rita Ora me të tjera imazhe mahnitëse nga evenimenti MTV EMAs 2021
BKT
Magazina

Rita Ora me të tjera imazhe mahnitëse nga evenimenti MTV EMAs 2021

MTV EMAs 2021 është zhvilluar sonte ( e diel) në Papp Laszlo Budapest Sportarena në Hungari.

Ceremonia e ndarjes së çmimeve mblodhi disa prej yjeve më të famshëm në botë, përfshirë Rita Orën, Maluman, Cardi B, Justin Bieber, etj.

Ylli nga Kosova sivjet ka qenë e shoqëruar me partnerin e saj, regjisorin e njohur nga Zelanda e Re, Taika Waititi.

Krijuesja e hitit “Let You Love Me” ka publikuar disa fotografi të reja nga tapeti i kuq, duke përmbledhur disa nga momentet më të mira të mbrëmjes.

“Faleminderit që më ftuat MTV Ema dhe për pritjen e ngrohtë Budapest. Urime Maluma”, ka shkruar ajo derisa duket se ka ndarë çmimin e yllit kolumbian.

Rita edhe këtë herë u sigurua që të jetë në qendër të vëmendjes me kostumin interesant.

Pjesë e këtij evenimenti ka qenë edhe artistja tjetër shqiptare, Dua Lipa, e nominuar për çmimin ‘Artistja më e mirë pop’.

Sidoqoftë, lista e plotë e kësaj ngjarje madhështore nuk është kompletuar akoma edhe pse janë zbuluar disa prej emrave fitues.

Përpos Duas, shqiptarë të tjerë në MTV Europe Music Aëards kanë qenë edhe: Loredana Zefi dhe Gjon Muharremaj./Telegrafi/

 

 


MË SHUME NGA Magazina