Klubi afrikan largon lojtarin, mendojnë se ju sjell fatkeqësi
BKT
Sport

Klubi afrikan largon lojtarin, mendojnë se ju sjell fatkeqësi

Në Afrikë jemi mësuar të shikojmë që ndodhin shumë situata të çuditshme. Edhe kësaj herë një ngjarje e pabesueshme ndodh.

Klubi i TS Galaxy në Afrikën e Jugut, kanë larguar lojtarin e tyre, me arsyen se ai është fati i keq i skuadrës.

Sipas “The Citizen News”, lojtarët besojnë se arsyeja për rezultatet e dobëta është pikërisht Mohammed Anas, i cili konsiderohet si futbollisti “ters” i ekipit, teksa iu kanë kërkuar drejtuesve ta largojnë nga skuadra, kërkesë e cila është plotësuar nga klubi. Tani lojtari do duhet të gjejë një ekip tjetër për të vazhduar karrierën e tij.

“Kudo që ai luajti në Afrikën e Jugut, ekipi i tij luftoi për të mbijetuar ose u largua nga liga. Ai luajti në Maritzburg dhe ata mezi ia dolën të mbijetonin. Ai luajti për Free State Stars dhe ata u rrëzuan nga kategoria, ashtu si Polokwane City. Ai luajti për Black Leopards sezonin e kaluar dhe e njëjta gjë ndodhi. Lojtarët janë të shqetësuar. Ata mendojnë se kjo sjell fatkeqësi. Ata po luftojnë fort, por nuk ka rezultate. Kjo është arsyeja pse ai u shkarkua nga klubi”, thuhet në mediat afrikane.