Naftëtarët në protestë: Rafineria e Ballshit do të shkojë për skrap
BKT
Shqipëri

Naftëtarët në protestë: Rafineria e Ballshit do të shkojë për skrap

Ish-punonjësit e Kombinatit të Përpunimit të Naftës në Ballsh janë ngritur sërish ditën e sotme  në protestë.

Kjo protest është mbajtur para dyerve të kësaj uzine.

Në fjalën e tyre punonjësit janë shprehur se kanë informacione se rafineria e Ballshit do të çmontohet dhe do të shkojë për skrap, duke theksuar se nuk do ta lejojnë një gjë të tillë. 

Ndërkohë që të vendosur të gjithë punonjësit e dalë ditën e sotme në protest thonë se pa u likuiduar të gjithë me pagat e prapambetura, në rafineri do të futen vetëm 'mbi trupat tanë'.

“Deri sa të shlyhen një më një naftëtarët, nuk shkel njeri këtu, vetëm mbi trupin tonë futen këtu. Boll kemi bërë negociata. Nëse duan që palët të zhdukin gjurmët e krimit, të bëjnë hesapet e tyre. Deri sa të likujdohen të gjithë naftëtarët, kjo rafineri do bëhet skrap nga ata dhe jo nga të tjerët. Jemi informuar që ka kaluar një mbështetje financiare, nuk është zbardhur asgjë në fletoren zyrtare, por ne jemi të shqetësuar nga disa zëra që qarkullojnë. Kjo rafineri është e naftëtarëve. Kemi ndenjur pa u paguar për 13 muaj. Me pak investime, kjo rafineri kthehet në punë, pse nuk e vënë në punë?”, thotë Sokol Dautaj, kreu i sindikatës së naftëtarëve.

Kujtojmë se Ish-punonjësit e Kombinatit të Përpunimit të Naftës në Ballsh janë ngritur shpesh herë në protest.

Nga ana tjetër ministrja e Infrastrukturës, Belinda Balluku deklaroi disa ditë më parë se naftëtarët do të paguhen me 30 mijë lekë në muaj edhe për dy vitet në vijim./Gazeta Shqip 


MË SHUME NGA Shqipëri