Sergio Aguero do të pensionohet nga futbolli aktiv
Sulmuesi argjentinas Sergio Aguero do të pensionet nga futbolli aktiv për shkak të problemeve me zemër, raporton gazetari i njohur Gerard Romero.
Që prej transferimit nga Manchester City te Barcelona, Aguero bëri paraqitjen e tij të dytë për katalunasit në barazimin 1:1 kundër Alaves, ku iu desh të zëvendësohet në minutën e 41’ të ndeshjes për shkak të problemeve me rrahje të zemrës, përcjell KosovaPress.
Raportohej se Aguero do të mungonte në fushat e blerta për afro tre muaj, po si duket tani ylli argjentinas ka vendosur që të varë këpucët e tij.
Aguero e ka marrë këtë vendim për pensionim, dhe po ashtu është informuar edhe klubi i tij Barcelona.
Rreth kësaj çështje do të ketë një konferencë për media në javën e ardhshme për të sqaruar situatën e Agueros.























