Berisha për sulmin në Gllogjan: Vrasësi ta marrë dënimin e merituar
Ish-kryeministri i Shqipërisë ka reaguar për sulmin ndaj autobusit në Gllogjan të Deçanit ku mbetën të vdekur tre persona dhe një i plagosur.
Ai u shprehu ngushëllime familjeve të viktimave si dhe tha se shpreson që vrasësi të gjendet sa më parë dhe ta marrë dënimin e merituar, përcjell Klankosova.tv.
“Një krim i shëmtuar! Të dashur miq, dje në darkë një kriminel me mask në Gllogjan, Komuna e Deçanit, ka shkrehur breshëri kallashnikovi drejt autobusit me nxënës shkolle nga të cilët kanë humbur jetën dy nxënës dhe shoferi i autobusit si dhe është plagosur edhe një nxënës tjetër”.
“Duke shprehur ngushëllimet më të ndjera familjeve të viktimave për humbjen e njerëzve të tyre më të dashur dhe urar shërim të plotë të plagosurit, dënoj me ashpërsinë më të madhe këtë krim të shëmtuar dhe uroj që vrasësi i nxënësve të shkollës dhe shoferit të gjendet sa më parë dhe të marrë ndëshkimin ligjor të merituar”, ka shkruar Berisha në llogarinë e tij në rrjetin social, Facebook.























