“Nuk e tërhoqa këmbëzën” Baldwin flet i përlotur pas ngjarjes tronditëse
Aktori Alec Baldwin ka folur në një intervistë televizive për vrasjen e kineastes Halyna Hutchins gjatë xhirimit të filmit “Rust”. I përlotur ai ka deklaruar se nuk tërhoqi këmbëzën më armën që vrau aksidentalisht kineasten Halyna Hutchins në xhirimet e filmit Rust në tetor.
“Unë nuk e tërhoqa këmbëzën”, tha Baldwin. Unë kurrë nuk do t’i drejtoja armën. Kurrë.”
Gazetari e përshkroi aktorin Baldwin, “të shkatërruar” por “shumë të sinqertë”. Aktori “iu përgjigj çdo pyetjeje” dhe diskutoi për Hutchins, takimin me familjen e saj dhe rrëfimin e tij për atë që ndodhi në xhirime atë ditë.
“Më duhet t’ju them se u befasova gjatë intervistës, ” tha Stephanopoulos. “Kam bërë mijëra intervista në 20 vitet e fundit në ABC,” tha ai. “Kjo ishte më intensivja që kam përjetuar ndonjëherë.”
Baldwin tha se kjo ishte ngjarja më e tmerrshme që i kishte ndodhur në jetë.























