10:15 / 15.12.2021
Grabitet filiali i Postës Shqiptare në Tiranë
Mëngjesin e sotëm është grabitur një nga filialet e Postës Shqiptare në Tiranë.
Policia bën me dije se rreth orës 09:15, në Babrru, dy persona ende të paidentifikuar, të maskuar me kapuçët e xhupave që kishin veshur, kanë hyrë në filialin e Postës Shqiptare, ku kanë marrë një shumë parash rreth 200.000 lekë dhe janë larguar me biçikleta.
Grupi hetimor ndodhet në vendngjarje dhe po punon për identifikimin dhe kapjen e autorëve. Shërbimet e Policisë po krehin zonën, për të bërë të mundur kapjen e tyre.























