Phoenix vazhdon marshimin, Chicago Bulls mposht Los Angeles Lakers
BKT
Sport

Phoenix vazhdon marshimin, Chicago Bulls mposht Los Angeles Lakers

Phoenix Suns nuk di të ndalet dhe mban kryesimin në NBA pasi mposhti me rezultatin e çmendur 137-106 Charlotte Hornets.

Megjithatë, përtej rezultatit të thellë ajo që bie në sy është se lojtari me më shumë pikë në këtë ndeshje vjen nga radhët e Charlotte dhe është Miles Bridges me 26 pikë.

Los Angeles Lakers ndërkohë, kanë humbur sërish, këtë herë nga Chicago Bulls. DeMar DeRozan ishte i pandalshëm pasi shënoi 38 pikë në ndeshjen që përfundoi me rezultatin 115-110. LeBron James ndërkohë shënoi 7 pikë më pakë se DeRozan.


kliko mbi imazh për më shumë informacione rreth Mega Shorteut Tibo

Humbje edhe për Miami Heat dhe Memphis Grizzlies. Miami u mposht në transfertë nga Detroit Pistons me rezultatin 100-90. Nga ana tjetër Portland Trail Blazers ishte ekipi që mposhti Grizzlies me rezultatin 105-100.

Fitore ka arritur edhe Sacramento Kings që mposhti me rezultatin 121-114 San Antonio Spurs në një ndeshje ku shkëlqyen Buddy Hield, Tyrese Haliburton dhe Dejounte Murray. Ndërsa Minnesota Timberwolves mposhti 111-105 Dallas Mavericks.

Për këtë mbrëmje janë shtyrë gjithashtu edhe tre ndeshje. Bëhet fjalë për  Philadelphia 76ers- New Orleans Pelicans, Atlanta Hawks- Cleveland Cavaliers dhe Brooklyn Nets- Denver Nuggets.

Rezultatet
Detroit Pistons - Miami Heat 100:90
Memphis Grizzlies - Portland Trail Blazers 100:105
Sacramento Kings - San Antonio Spurs 121:114
Chicago Bulls - LA Lakers 115:110
Minnesota Timberwolves - Dallas Mavericks 111:105
Phoenix Suns - Charlotte Hornets 137:106