15:51 / 04.01.2022
Covid 19, Shqipëria mbi 2.4 milionë vaksinime
Ministrja e Shëndetësisë dhe Mbrojtjes Sociale, Ogerta Manastirliu, informoi se deri më 3 janar në Shqipëri janë kryer 2 411 659 vaksinime në total.
Vetëm të hënën, sipas Manastirliut, u kryen 4 427 vaksinime.
Numri total prej 2 411 659 vaksinime, përfshin edhe vaksinimet e kryera jashtë vendit.
Vaksinimi masiv anti-COVID vijon në të gjitha pikat e përqendruara të vaksinimit, në qendrat shëndetësore, poliklinika si dhe nëpërmjet njësive të lëvizshme në komunitet në kuadër të aksionit kombëtar “derë më derë”.
Vaksinimi ndaj COVID-19 është i hapur për të gjithë personat +16 vjeç si dhe fëmijët +12 vjeç me probleme të sistemit imunitar.
Gjithashtu vaksinimi me dozën e tretë të vaksinës anti-COVID, po vijon për të gjithë personat +18 vjeç./rtsh























