Simon Cowell i propozon të dashurës 18 vite më të re në moshë
BKT
Magazina

Simon Cowell i propozon të dashurës 18 vite më të re në moshë

Simon Cowell është fejuar me të dashurën Lauren Silverman pas një romance tetëvjeçare.

Manjati i muzikës, 62 vjeç, ia bëri pyetjen e famshme të propozimit bukuroshes Lauren, 44 vjeçe, gjatë një pushimi të çiftit në Barbados gjatë vitit të ri përpara djalit të tyre Eric, shtatë vjeç dhe djalit të Lauren, Adamit, 16 vjeç.

Pavarësisht se më parë kishte këmbëngulur se ‘nuk besonte’ në martesë, babai i një fëmije i rivlerësoi pikëpamjet e tij pasi ra në dashuri me Lauren – e cila mbeti ‘e habitur’ nga propozimi tronditës, shkruan DailyMail.

Një burim i tha tabloidit britanik The Sun: “Lauren ishte absolutisht i habitur dhe kurrë në një milion vjet nuk priste që Simon ta bënte këtë propozim. Ajo shpërtheu në lot – lot të lumtur – dhe padyshim tha po menjëherë”.

“Lauren ka qenë pranë Simonit gjatë këtyre viteve të fundit – duke e mbështetur atë në momentet e tij më të vështira, dhe në përgjithësi. Ata bëjnë një çift të mrekullueshëm”, tha burimi.

“Ndërsa Simon nuk e kishte menduar kurrë se ishte tipi për t’u martuar sërish, ai e kuptoi se ishte takuar me gruan e ëndrrave të tij – dhe nuk mund të ishte më i lumtur. Sipas fjalëve të Beyonces, ishte koha për t’i vendosur një unazë”, shtoi burimi.

Një mik i çiftit shtoi për Revistën People: “Ata të dy janë super të lumtur. Ata janë bashkë për një kohë të gjatë dhe e adhurojnë njëri-tjetrin, kështu që nuk është një befasi e madhe për miqtë e tyre të ngushtë”.

Simon u takua me Lauren kur ajo ishte ende e martuar me zhvilluesin milioner të pronave, Andrew Silverman.

Lidhja e tyre u bë publike – dhe jeta e Simonit ndryshoi – në fund të korrikut të vitit 2013, kur u publikuan lajmet për shtatzëninë e Lauren.


MË SHUME NGA Magazina