14:32 / 15.01.2022
Fillon seanca e jashtëzakonshme për referendumin serb
Deputetët e Kuvendit të Kosovës janë mbledhur për herë të parë në vitin 2022.
Sot, në një seancë të jashtëzakonshme me kërkesë të Qeverisë së Kosovës, të zgjedhurit e popullit pritet të diskutojnë lidhur me synimet e Serbisë për të mbajtur referendum kushtetues në territorin e Kosovës.
Po ashtu, pritet të miratohet edhe një rezolutë për të parandaluar mbajtjen e këtij referendumi.
Pjesë e kësaj seance të jashtëzakonshme janë 78 deputetë, ndërsa mungojnë deputetët e Partisë Demokratike të Kosovës dhe Listës Serbe.
Para fillimit të seancës, Kuvendi nderoi me një minutë heshtje viktimat e masakrës së Reçakut, në përvjetorin e 23-të.























