Dzeko shpëton Interin nga barazimi kundër Venezias
BKT
Sport

Dzeko shpëton Interin nga barazimi kundër Venezias

Ka përfunduar ndeshja mes kampionit italian Inter dhe skuadrës së Venezias, ku nikoqirët kanë arkëtuar pikët e plota në stadiumin “Giuseppe Meazza”.

Gjigandi italian Inter ka shënuar fitore me rezultat të ngushtë 2:1 kundër skuadrës së Venezias.

Fillimisht, ishte Venezia ajo e cila kaloi në epërsi e para, përmes golit të shënuar nga sulmuesi Thomas Henry në minutën e 19’ të ndeshjes.

Rezultatin për kampionin italian e barazoi mesfushori Nicolo Barella, i cili shënon në minutën e 40’ për 1:1.

Kur shihej se ndeshja ishte drejt përfundimit me këtë rezultat, sulmuesi i Interit Edin Dzeko arrin që t’ia sigurojë skuadrës së tij tre pikët e plota, duke shënuar për 2:1 në minutën e 90’.

Me tre pikët e reja, Interi vazhdon qëndrimin në krye të tabelës, ku tani gjendet në kuotën e 53 pikëve, krahas Venezias që ka vetëm 18 sosh në pozitën e 17.

Rezultati final i ndeshjes është 2:1 në favor të Interit.