Fifi e lumtur për suksesin e këngës, “Diell” arrin 14 milionë klikime
Këngëtarja e njohur, Filloreta Raçi-Fifi është ndër artistet më të suksesshme dhe më të dashura për publikun shqiptar.
Por, vetëm pak kohë më parë këngëtarja nga Ferizaj vendosi të bëhej pjesë e spektaklit Big Brother VIP, ku edhe u bë ndër banorët më të komentuara.
Fifi vendosi të lë në gjysmë përvojën e saj në BB VIP, duke dalë me vetë dëshirë për të iu përkushtuar shëndetit të saj pas ngarkesës së rënduar emocionale që përjetoj gjatë qëndrimit brenda.
Foto: Fifi/Instagram
Dhe me të dalë nga shtëpia, këngëtarja lansoi këngën “Diell” tekstin e të cilës e shkroi gjatë kohës sa ishte brenda shtëpisë më të famshme në Shqipëria.
Kënga u pritë mirë dhe ndonëse u publikua vetëm si demo, ky projekt brenda një muaji ka grumbulluar 14 milionë klikime në YouTube.
Foto: Fifi/Instagram
Ky suksese padyshim ka lumturuar këngëtaren e cila postoi disa imazhe të reja në Instagram, teksa shihet e veshur e tëra në të zeza dhe me shumë stil.
“Urime 14 milionë”, ka shkruar Fifi në mbishkrimin e fotografive, që morën pëlqime dhe komente të shumta nga ana e fansave të saj.
Ndërkohë, Fifi kohë më parë nëpërmjet disa postimeve tha se është në përgatitje të projekte të reja muzikore.























