Celine Dion nuk mund të ngrihet as nga shtrati
Pas disa muajsh trajtimi, fansat kishin shpresuar që këngëtarja do të rikthehej në skenë, por ajo anuloi sërish koncertet dhe shoqja e saj pretendon se Celine është e shtrirë dhe nuk lëviz nga shtrati për shkak të dhimbjeve.
Në tetor të vitit të kaluar, diva kanadeze e muzikës Celine Dion trishtoi fansat në mbarë botën kur anuloi koncertet e saj të shumëpritur në Las Vegas dhe së fundmi iu desh të anulonte një vazhdim të turneut të saj në Amerikën e Veriut. Shkak janë bërë problemet e saj shëndetësore të cilat sipas shoqes së saj e kanë lidhur për krevati.
Celine vuan prej disa kohësh, siç shkruajnë mediat, “ngërçet e forta dhe të vazhdueshme të muskujve” dhe gjendja e saj nuk po përmirësohet. Përveç kësaj, këngëtarja ndihet më keq.
“Duket se askush nuk e di se çfarë nuk shkon. Ajo është absolutisht e thyer që i është dashur të anulojë koncertet, është shumë e mërzitur për këtë situatë. Ajo ka qenë gjithmonë e shëndetshme. Familja e saj është duke u rikuperuar nga tronditja fillestare, veçanërisht tre djemtë e saj, të cilët humbën babanë e tyre gjashtë vjet më parë”, tha shoqja e Celine, e cila vendosi të mbetet anonim.
Sipas Neës.in, ajo nuk mund të ngrihet më nga shtrati dhe shoqja e saj ka treguar se dhimbja në këmbë dhe në shputa me të cilat po lufton këngëtarja është aq e fortë sa e paralizon plotësisht. Celine, siç shtoi ajo, humbi peshë dukshëm, kështu që për të bëhet gjithnjë e më e vështirë të kujdeset për fëmijët.
Së fundmi u zbulua se puna e këngëtares ka ndikuar në përkeqësimin deri diku të gjendjes së saj.
“Ajo dëshiron të performojë në nivelin më të lartë dhe orari i saj i ngjeshur do t’i bënte të gjithë. Ajo është e fortë, por nuk është Supermen”, tha një burim i paidentifikuar pranë Celine Dion.
Ndryshe, ajo ka dashur me çdo kusht ta realizoj turneun e saj, por gjendja shëndetësore e saj nuk ia lejoi atë.























