“Shtëpi bari” 9.5 milionë paund në Skoci, Gjykata lë të lirë dy shqiptarët
Shqipëri

“Shtëpi bari” 9.5 milionë paund në Skoci, Gjykata lë të lirë dy shqiptarët

Dy shqiptarë të kapur në një fabrikë kanabisi në Glasgow janë liruar nga burgu pasi u zbulua se ishin viktima të trafikimit të qenieve njerëzore.

Orges Rizak dhe Agustin Grembi u arrestuan në një ndërtesë industriale të konvertuar në Possilpark në nëntor 2020.

Bimët e kanabisit me vlerë deri në 9.5 milionë paund u sekuestruan gjatë bastisjes. Dy burrat më vonë u deklaruan fajtorë për akuzat për drogë dhe u përballën me dënime të gjata me burg.

Megjithatë, Zyra e Brendshme ka vendosur që të dy burrat janë trafikuar në Skoci për të punuar në fabrikë.

Gjykata e Lartë në Glasgow dëgjoi se si z. Rizaj dhe z. Grembi kishin qenë shumë të frikësuar për të shpjeguar se çfarë kishte ndodhur për shkak të pasojave të mundshme për ata dhe familjet e tyre.

Gjykata e Lartë në Glasgow dëgjoi se si z. Rizaj dhe z. Grembi kishin qenë shumë të frikësuar për të shpjeguar se çfarë kishte ndodhur për shkak të pasojave të mundshme për ata dhe familjet e tyre. Deklaratat e tyre të fajësisë u tërhoqën dhe deklaratat e reja të pafajësisë u pranuan nga Gjykata.

Gjykatësi Lord Mulholland tha: “Ky është një hap i jashtëzakonshëm dhe jam i kënaqur që ka rrethana të jashtëzakonshme.”

Z. Rizaj i tha policisë se kishte qenë në Skoci për dy muaj dhe ashtu si ai, edhe z. Grembi u pyetën në lidhje me trafikimin e dyshuar të qenieve njerëzore.

Sipas BBC, “Rizaj tha se kishte ardhur në Mbretërinë e Bashkuar për një jetë më të mirë dhe kishte paguar 18,000 euro për ata që rregullonin transportin”, i tha Gjykatës prokurori Euan Cameron.

“Kjo shumë ishte ende e papaguar dhe ai po punonte për ta shlyer atë.” Avokati i zotit Rizaj, Billy Lavelle tha: “Ai nuk po paguhej asgjë. Ai po paguante transportin (për në Britaninë e Madhe)./gazetashqip