Reçica: Ndërmarrësit e diasporës kanë potencial për zhvillimin e Kosovës
Lajme

Reçica: Ndërmarrësit e diasporës kanë potencial për zhvillimin e Kosovës

Deputeti i Partisë Demokratike të Kosovës, Elmi Reçica, njëherësh udhëheqës i Departamentit të Diasporës, krahas takimeve për formimin e nëndegëve të PDK-së në diasporë, po takohet në Zvicër edhe me ndërmarrës shqiptarë të suksesshëm.

Reçica ka shkruar në faqen e tij në Facebook se ndërmarrësit shqiptarë në diasporë kanë fituar dijen, përvojën e kapitalin për të zhvilluar vendlindjen.

"Gjatë vizitës zyrtare në Zvicër po takoj dhe bashkëbisedoj me shumë ndërmarrës të suksesshëm të diasporës të cilët me ofrimin e kushteve, janë potenciali më i madh i zhvillimit ekonomik të Kosovës. Ata kanë arritur suksese të jashtëzakonshme në shtetin mik të Zvicrës dhe sot kanë përvojën, dijen dhe kapitalin për investime në vendlindje", tha Reçica.