Rita Ora bëhet imazh i “Mazda"
Magazina

Rita Ora bëhet imazh i “Mazda"

Ajo ka qëndruar në Sydney për gjashtë javët e fundit.

Këngëtarja e hitit “Hot Right Now” dukej e mrekullueshme me një bluzë të zezë dhe fund me material të ngjashëm, në fotografitë e reja në Instagram.

Duke vënë në pah belin e saj të tonifikuar dhe kofshëve të saj, Rita, 31 vjeçe, dukej tejet elegante teksa qëndronte mbi një palë taka të zeza.

E mbështetur pas një veture “Mazda” të zezë, Rita dukej sensacionale teksa falënderoi markën që ‘u kujdes për transportin e saj gjatë qëndrimit në Sydney’.

Këngëtarja e kaloi të enjten në qytetin australian, duke shkuar në palestër me motrën e saj Elenën, teksa ndau me ndjekësit në rrjetet sociale disa fotografi nga stërvitja e saj.

Rita i tha më parë Revistës “Shape” se i pëlqen të qëndrojë në formë duke bërë stërvitje të vazhdueshme.

“Zakonisht stërvitem për një ose dy orë, në varësi të kohës që kam. Bëj tre qarqe dhe e përsëris atë tri herë. Më së shumti fokusohem te kofshët dhe barku im, kështu që bëj shumë ‘squats’ dhe ngritje peshash”, shpjegoi ajo.

Foto: Rita Ora/Instagram

Rita gjithashtu bën kardio dhe nuk ndalon deri sa ta ndjejë vërtet lodhjen.

Ylli i hitit “Lonely Together” mbërriti në Australi në fillim të dhjetorit përpara xhirimeve të sezonit “The Voice Australia 2022”.

Ajo ndodhet atje së bashku me të dashurin e saj, regjisorin Taika Waititi.

Foto: Rita Ora/Instagram

Që kur mbërritën në Sydney, ata janë parë duke bërë blerje në Bondi dhe duke frekuentuar plazhin, madje kanë marrë pjesë edhe në premierën e filmit “Being the Ricardos”.

Rita së fundmi tha për gazetën The Independent se do të donte të kishte një familje të mirë e të madhe një ditë.

“Nuk e prisja të gjeja dashurinë në Australi dhe as nuk po e kërkoja atë”, tha ajo, duke shtuar se dëshiron ta mbajë marrëdhënien e saj me babanë e dy fëmijëve, Taika, 46 vjeç, sa më larg vëmendjes.