09:58 / 01.02.2022
Gjykata Kushtetuese shqyrton sot kërkesën e Kuvendit për shkarkimin e Metës
Gjykata Kushtetuese pritet të nisë sot seancën ku do shqyrtohet kërkesa e Kuvendit për shkarkimin e presidentit Ilir Meta.
Në njoftimin e Gjykatës Kushtetuese është bërë e ditur se pas shtyrjes së seancës së 18 janarit, seanca për shkarkimin e Presidentit do të zhvillohet sot më 1 shkurt, ora 10:00.
Kuvendi miratoi në seancën e 9 shtatorit 2021 me 104 vota pro, 7 kundër dhe 3 abstenime, kërkesën për shkarkimin e Presidentit Ilir Meta.
Në raportin përfundimtar të Kuvendit prej 96 faqesh, Komisioni Hetimor ka renditur shkeljet e rënda të Kushtetutës nga Meta.
Meta do përfaqësohet në seancë me këshilltarin Ligjor, Bledar Dervishaj dhe drejtoreshën Juridike, Katrin Treska./atsh























