19:41 / 01.02.2022
S’ka ende vendim, shtyhet seanca e Kushtetueses për Ilir Metën
Seanca e Gjykatës Kushtetuese për shkarkimin e presidentit të Shqipërisë Ilir Meta është shtyrë për të enjten
Shtyrja e seancës që nisi sot, erdhi pas kërkesës së përfaqësuesve të presidentit, të cilët do të paraqitin pretendimet e tyre.
Më herët, Gjykata Kushtetuese rrëzoi pretendimet e presidentit për përjashtimin e gjyqtarëve nën argumentin se nuk garantojnë një proces të paanshëm.
Sipas trupës gjykuese, asnjë nga gjyqtarët nuk është në kushtet e ndalimit.
Meta kishte kërkuar përjashtimin e të gjithë gjyqtarëve nën argumentin se nuk garantojnë paanshmërinë dhe Gjykata Kushtetuese u tërhoq për shqyrtimin e kësaj kërkese./A2























