Sot rinis gjyqi ndaj Ilir Metës
BKT
Shqipëri

Sot rinis gjyqi ndaj Ilir Metës

Sot pritet të rinisë gjyqi ndaj presidentit të Shqipërisë Ilir Meta në Gjykatën Kushtetuese.

Në të njëjtën kohë kur juristët e kreut të shtetit do të jenë para gjyqtarëve kushtetues, pak metra më tutje Ilir Meta nga zyra e tij do të lexojë publikisht përgjigjet e 72 pyetjeve të bëra nga anëtarët e gjykatës.

Mediat në Shqipëri raportojnë se presidenti ka zgjedhur të mos marrë pjesë fizikisht në gjyqin që po zhvillohet ndaj tij, duke ia lënë në dorë mbrojtjen juristëve.

Më 3 shkurt Presidenca paraqiti një fashikull prej 140 faqesh, ku vihej në pikëpyetje legjitimiteti i Kuvendit që shkarkoi Metën, ndërsa mazhoranca socialiste u akuzua për hakmarrje politike.

Parashtrimet e juristëve të Ilir Metës nuk bindën gjyqtarët kushtetues të cilët drejtuan një mori pyetjesh në adresë të kreut të shtetit.

Më 9 qershor, me 104 vota pro, Kuvendi i Legjislaturës së kaluar vendosi shkarkimin e Presidentit, ndërsa tani duhet një vendim kushtetues që Meta të shkarkohet.


MË SHUME NGA Shqipëri