Southampton fiton në Londër kundër Tottenhamit, shënon Broja
Southampton ka bërë befasinë në natën e sotme duke e mposhtur Tottenhamin e Antionio Contes me rezultat 2-3 në Tottenham Hotspurs Stadium në Londër.
Tottenham fillimisht kaloi në epërsi pas autogolit të Bednarek (18′), por vetëm pesë minuta më vonë, Armando Broja shënoi gol të bukur për të barazuar rezultatin (23′).
Tottenham kaloi sërish në epërsi, këtë herë përmes Heung-Min Son që u asistua nga Lucas Moura (70′).
Por, vetëm 10 minuta më vonë, Elyounoussi realizoi gol të bukur për të barazuar rezultatin (80′).
Ndërsa, dy minuta më vonë, falë golit të Adams, Southampton bëri përmbysjen e madhe (82′).
Tottenham arriti të shënoi në fundin e takimit përmes Bergwijn, por që u anulua nga VAR-i për pozitë jashtë loje.
Kjo humbje e lënë Tottenhamin në vendin e 7 të Premier Ligës me 36 pikë kurse Southampton është në vendin e 10 me 28 pikë.























