Meta: Ndihmë humanitare në mbështetje të popullit të Ukrainës
BKT
Shqipëri

Meta: Ndihmë humanitare në mbështetje të popullit të Ukrainës

Presidenti Ilir Meta reagoi sot lidhur me situatën në Ukrainë duke theksuar se është në një moment tepër kritik.

Veçanërisht kritike, thekson ai, paraqitet situata humanitare edhe për shkak të largimeve masive të qytetarëve nga zonat që po përballen me luftime tepër të ashpra.

Meta shprehet se “mirëprita angazhimin e Kryqit të Kuq Shqiptar, organizatës humanitare më të madhe në Shqipëri dhe që ka në misionin e veprimtarinë e saj ndihmën e personave në nevojë në konflikte të armatosura e situata të tjera kritike, për të nisur organizimin e mbledhjes së ndihmave në mbështetje të popullit të Ukrainës”.

Presidenti i bën thirrje të gjithë shoqërisë civile të ndjekin këtë nismë humanitare për të ofruar çdo mbështetje që meriton përpjekja e një populli që po lufton për të mbrojtur me çdo çmim lirinë e tij./atsh


MË SHUME NGA Shqipëri