Ekskluzive: “AS” sjell intervistën e parë me Alain Giresse
Sonte nga ora 20:15, emisioni qendror i sportit “AS”, sjell intervistën e parë televizive të përzgjedhësit të ri të Kosovës në futboll, Alain Giresse.
Francezi flet për faktet që e bindën t’i thotë “PO” ofertës për ta drejtuar Kombëtaren e Kosovës.
Ai poashtu zbulon shumë detaje tjera rreth vendimit që t’i bashkohet “Dardanëve”.
Të ftuar për diskutim në panel janë:
- Ramiz Krasniqi, trajner
- Malsor Gjonbalaj, analist
- Suad Keçi, trajner.
Emisioni “AS” sjell poashtu në kohë reale, përmes lidhjes së drejtpërdrejt nga Mitrovica, zhvillimet në ndeshjen e basketbollit mes Kosovës e Norvegjisë.
I ftuar në studio edhe presidenti i FBK-së, Arben Fetahu.
“AS” zbulon poashtu për herë të parë trofeun që do t’u ndahet nga ky vit, laureatëve të vitit në Komitetin Olimpik të Kosovës.
Rejhan Halili nga KOK-u, zbulon detaje të ceremonisë së 3 marsit, kur do të mësohen më të mirët e vitit në sportin kosovar.
“AS” vije të dielën nga ora 20:15, drejtpërdrejt në RTK1 me Alba Merovci dhe Artan Muhaxhiri.























