Osmani takon Stoltenberg dhe Erdogan në Forumin Diplomatik në Antali
Presidentja e Kosovës, Vjosa Osmani po merr pjesë në Forumin Diplomatik në Antali të Turqisë.
Ajo ka publikuar disa fotografi nga ceremonia e hapjes, e cila ka nisur nga presidenti i Turqisë, Recep Tayyip Erdogan.
Gjatë ceremonisë, Osmani është takuar edhe me sekretarin e përgjithshëm të NATO-s, Jens Stoltenberg.
“Mezi pres të takoj liderët tjerë botërorë për të ritheksuar domosdoshmërinë e takimit për diplomaci. Dhe për të promovuar agjendën e fortë euroatlantike të Kosovës”, ka shkruar ajo në “Twitter”.
Presidentja Osmani dhe ministrja Gërvalla- Schwarz do të marrin pjesë në disa panele të këtij Forumi ku do të takohen me homologë nga disa vende të botës,
Forumi Diplomatik i Antalisë është takim i nivelit të lartë, në të cilin adresohen sfidat ndërkombëtare dhe në të cilin marrin pjesë liderë shtetesh, diplomatë, opinionbërës dhe akademikë. Tema e këtij viti e Forumit të Diplomacisë së Antalisë është "Rikodimi i diplomacisë".
Ky Forum do t`i zhvillojë punimet prej 11 deri më 13 mars dhe do të marrin pjesë përfaqësues nga rreth 70 shtete.
Përgatiti: Emine Hoti























