Hoxhaj: Qeveria të vizitoj NATO-n dhe të shoh mundësitë e anëtarësimit
Deputet i Partisë Demokratike të Kosovës, Enver Hoxhaj, ka thënë se anëtarësimi i Kosovës në NATO është më i rëndësishëm se sa vazhdimi i dialogut teknik.
Në seancën e sotme plenare Hoxhaj tha se për shkak të agresionit rus në Ukrainë, njohja e ndërsjellët me Serbinë është e largët, prandaj duhet orientim dhe angazhim për anëtarësim në NATO.
“Duhet t’i rishqyrtojmë pritjet konkrete që mund t’i ketë Republika e Kosovës. Çfarë po dua të them është se qeveria duhet ta dinë se nuk ka një Bruksel por dy Bruksela. Më e rëndësishme se të vazhdohet dialogu teknik është të vazhdohet anëtarësimi i Kosovës në NATO. Dua të ftojë qeverinë e Kosovës që sa më shpejt të vizitojë NATO-në dhe të sheh cilat janë pritjet konkrete të Kosovës për anëtarësim në NATO. Unë jam i vetëdijshëm se anëtarësimi nuk mund të ndodh brenda muajsh, pro aplikimi për partneritet për paqe do të mund të bëhej dhe përmbushej brenda një kohe të shkurtër”, tha ai.























