Ngritet aktakuzë ndaj U.D. të drejtorit të Spitalit në Ferizaj
BKT
Lajme

Ngritet aktakuzë ndaj U.D. të drejtorit të Spitalit në Ferizaj

Prokuroria Themelore në Ferizaj, Departamenti për Krime të Rënda, ka ngritur aktakuzë ndaj Halit Gërbeshit – ushtrues i detyrës së Drejtorit të Spitalit të Përgjithshëm në Ferizaj, për keqpërdorim të pozitës zyrtare dhe ndikim.

Sipas aktakuzës, nga shtatori e deri në dhjetor vitin e shkuar, Gërbeshi shtatë herë kishte furnizuar veturën e tij private me derivate në kuadër të tenderit të spitalit, pa vendim të Bordit Drejtues të Shërbimit Spitalor Klinik Universitar. Dëmi material konsiderohet se është në vlerën 403 euro e 97 centë.

Po ashtu ai dyshohet se ka ushtruar ndikim në vendimmarrjen e personit zyrtar për këtë çështje.

Prokuroria Themelore në Ferizaj, me rastin e ngritjes së aktakuzës, i ka propozuar Gjykatës kompetente në Ferizaj, që i pandehuri të shpallet fajtor dhe të dënohet sipas ligjit.

Gërbeshi ishte suspenduar në janar të këtij viti nga puna.

 


MË SHUME NGA Lajme