Gjykata e Posaçme la në burg-ish deputetin e PS-së, Alqi Bllako
BKT
Shqipëri

Gjykata e Posaçme la në burg-ish deputetin e PS-së, Alqi Bllako

GJKKO, Gjykata e Posaçme në Tiranë la në burg ish-deputetin e Partisë Socialiste, Alqi Bllako, i cili u arrestua me kërkesë së Prokurorisë së Posaçme SPAK për përfshirje në aferën e inceneratorëve, ndryshe mbeturinëdjegës.

Avokati i zotit Bllako, Sokol Hazizaj tha se klienti i tij vetëm sa ka përcjellë dokumentacionin me Këshillin e Ministrave për inceneratorin e Fierit në kohën kur ishte Sekretar i Përgjithshëm i Ministrisë së Mjedisit.

SPAK-u thotë se zoti Bllako ka falsifikuar dokumentacionin e tokës ku u ndërtua inceneratori dhe ka favorizuar kompaninë fituese në këmbim si mitmarrje të një apartamenti të vlerësuar 140 mijë euro.

Avokati Hazizaj tha pas seancës se nuk provoheshin faktet se klienti i tij Bllako është fajtor, raporton korrespondenti i RTK-së, Denion Ndrenika.

“Tre faktet penale, të identifikuar nga prokuroria përkatësisht shpronësimi, pagën e babait të zotit Bllako janë akte të provuara jo nga Alqi Bllako. Në cilësinë e Sekretarit të Përgjithshëm ai ka përcjellë vetëm dokumentacionin e dalë nga Këshilli i Ministrave”-tha avokati Hazizaj.

Për këtë aferë në burg ndodhet prej disa javësh ish-ministri i Mjedsiti, Lefter Koka.


MË SHUME NGA Shqipëri