Championsi rikthehet sonte me dy përballje të zjarrta
BKT
Sport

Championsi rikthehet sonte me dy përballje të zjarrta

Liga më e madh në Evropë, Champions League, rikthehet sonte me dy ndeshjet e para të çerekfinaleve.

Gara më prestigjioze në Kontinentin e Vjetër, tashmë ka hyrë në fazën më dramatike dhe se çdo sfidë është tejet e rëndësishme, shkruan RTKLive.com.

Manchester City-Atletico Madrid

Kryendeshja e sontme në këtë rreth të garave, luhet në ‘Etihad Stadium’, ku Manchester City i bën ‘konak’ Atletico Madridit.

Ky duel parashikohet të sjellë sfidë të zjarrtë pasi që të dy skuadrat janë në formë të mirë, dhe se synimi i të dy ekipeve është që kësaj garë t’i shkohet deri në fund.

Djemtë e Pep Guardiolës do të hynë në këtë duel me ambicie që të arrijnë rezultat pozitiv për ndeshjen e kthimit, edhe pse nuk do ta kenë aspak lehtë, sepse skuadra e Diego Siemones jo rrallëherë dinë të mposhtin edhe ekipet e mëdha siç janë ‘Qytetarët’.

Benfica-Liverpool

Benfica-Liverpool është një tjetër ndeshje që luhet sonte, përballje kjo që gjithsesi pritet të sjellë sfidë dramatike. Skuadra portugeze në shtëpinë e tyre janë të papërshtatshëm, dhe më të gjitha forcat në këtë duel do të kërkojnë rezultat të favorshëm për duelin e kthimit do të luhet në ‘Anfield’.

Ndryshe, skuadra e Jurgen Klopp është në top-formë dhe se në Portugali ka udhëtuar me ambicie që të marrë rezultat pozitive në mënyrën që sfidën e kthimit ta presë me relaksuese.

Sonte takohen:

Benfica-Liverpool

Manchester City-Atletico Madrid

Të dy ndeshjet nisin në orën 21:00. /F.BYTYQI/