​Szunyog: Jemi të habitur dhe të zhgënjyer me veprimet të KPK-së
BKT
Lajme

​Szunyog: Jemi të habitur dhe të zhgënjyer me veprimet të KPK-së

Ambasadori i BE-së në Kosovë, Tomas Szunyog, ka reaguar pas vendimit të Këshillit Prokurorial të Kosovës për të votuar Blerim Isufajn për kryeprokuror.

“Me gjithë thirrjet e vazhdueshme të Bashkimit Evropian për të siguruar një përzgjedhje të drejtë, transparente dhe të bazuar në merita për Kryeprokuror të Shtetit, Këshilli Prokurorial i Kosovës e përmbylli procesin e përzgjedhjes duke shpërfillur këto parime”, ka shkruar  në një postim në Twitter ​Szunyog.

Ai ka thënë se jemi të habitur dhe të zhgënjyer me këto veprime të KPK-së.

Këshilli Prokurorial i Kosovës (KPK) ka votuar sot unanimisht për Blerim Isufajn për Kryeprokuror të ri të Shtetit.

Komisioni për Rishqyrtim i KPK-së më 1 prill 2022 kishte shqyrtuar kundërshtimet e katër kandidatëve për pozitën e Kryeprokurorit të Shtetit, Armend Hamiti, Lulzim Sylejmani, Shqipdon Fazliu dhe Kujtim Munishi.

Konkursi për emërimin e Kryeprokurorit të ri të Shtetit ishte shpallur nga Këshilli Prokurorial i Kosovës më 12 janar 2022. /V.Thaçi


MË SHUME NGA Lajme