14:24 / 22.04.2022
“Imazhi i ditës” sot trajton disa tema
Përveç lajmeve të fundit që transmetohen në orën 17:00, në kuadër të këtij emisioni, nga ora 17:05, i ftuar i gazetares Gentiana Begolli-Pustina, është deputeti Armend Zemaj.
Me deputetin Zemaj do të flitet për disa tema aktuale siç janë bisedimet Kosovë-Serbi, ku një ditë më parë nuk u arrit marrëveshja për targat. Cili është qëndrimi i LDK-së në lidhje me këtë çështje?
Gjithashtu do të diskutohet dhe për zhvillimet e fundit të brendshme, si formimi i Komisionit Hetimor parlamentar për energjinë apo vendimin e fundit të Qeverisë që paratë e kursimeve në Trustin Pensional, të mos preken nga një tërheqje e dytë.
Si çdo ditë tjetër, nga e hëna në të premten, emisioni “Imazhi i ditës” vjen me informacione dhe intervista.























