12:04 / 02.05.2022
Zelensky nesër i drejtohet Kuvendit të Shqipërisë
E.H
Presidenti i Ukrainës, Volodymyr Zelensky do t’i drejtohet me një mesazh Kuvendit të Shqipërisë.
Kryeparlamentarja Lindita Nikolla ka firmosur urdhrin për mbledhjen e seancës së posaçme.
Zelensky do të përcjellë mesazhin e tij në seancën plenare të së martës në orën 11.00 nëpermjetë platformës ZOOM.
Sipas urdhrit të Nikollës, Sekretari i Përgjithshëm ngarkohet për marrjen e masave për realizimin e infrastrukturës së nevojshme për lidhjen direkte me presidentin e Ukrainës.
Me fjalime të tilla Zelensky i është drejtuar edhe Kongresit Amerikan, Parlamentit Britanik, Parlamentit Evropian, etj.
Kujtojmë se Shqipëria është pozicionuar në krah të aleatëve perëndimorë dhe e ka dënuar agresionin ushtarak të Rusisë mbi Ukrainë.
























