Dua Lipa shfaqet me veshje të çuditshme
Magazina

Dua Lipa shfaqet me veshje të çuditshme

Dua Lipa tërhoqi vëmendje këtë fundjavë me një stil tepër të veçantë veshjesh, me të cilat u shfaq në një set fotosh të publikuar në Instagram.

Ylli i muzikës Pop me origjinë shqiptare kishte përzjerë veshjet e dimrit dhe ato të verës, një kombinim me të cilin e përshkruante veten si fermere.

Dominonte veshja e hollë transparente që ngjall fantazinë e gati 83 milionë fansave të saj. Por detaji i çuditshëm është kapuçi prej leshi me cepa në formën e veshëve të maces, si dhe çorapet e gjata po prej leshi të kombinuara me taka të larta.

Me këtë stil, 26-vjeçarja dëshmon edhe një herë dëshirën e saj për të eksperimentuar pamje të reja, përmes kombinimit të veshjeve.

Këtë vit, ajo po vazhdon turneun botëror të promovimit të albumit të saj të dytë “Future Nostalgia” që u shty disa herë prej masave kufizuese të pandemisë së COVID-19.